Yaar k Yaroon k naam:

Khuda ka naam ly kr dkhein,
Kiun na ik sajda kr k dkhein

Kch na kch keh ri ha har shaeh,
Kiun na aj samaat kr k dkhein

Mazi aur mustaqbil ma jee liay bht,
Kiun na aj haal ma reh kr dkhein

Firdous ka shauq,jahanum ka dar,
Kiun na ajj bhula kr dekhein

Hawas aur anna parasti sy door,
Kiun na ikhlas ka beag bo kr dkhein

Zahiri nazaroon sy hat kr
Kiun na haqeqat ko dil ma sama kr dkhein

Lafzon sy door,kitabon sy paray
Kiun na khud ko tatool kr dkhein

Tamaam kaabon sy rukh hata kr
Kiun na kaabay ka Kaaba dkhein.

Poet:
Nasr SJ
31/01/2014.

Pyaray Bhai Immad Sattar k naam:

Ik daur tha tm bachay thay
Mun k bht kachay thay

Dil k tm nazuk thay
chehray sy masoom thay

Khel khel ma bachpan guzara
Kbi abu ny,kbi mene mara

Thora bemaar ho to kya hua
Aj andhera ha to kia hua

Tofan ha to kia hua
Andhi ha to kia hua

Tm noor ho,aftaab ho
Hamaray sir ka taaj ho

Yeh tofaan yunhi tham jaey ga
Andhi yunhi ruk jaey ge

Arz hamari itni ha,tm sbr krna
Har muskil ma Rab ko yaad rakhna

Tmhara ghum hamein paigham dta ha
Immad ko Khuda ka salam dta ha

Tm Sher ho is jungle k
Phool ho is chaman k

Yunhi khusbu bant'ty rhna
Gulaab ki tarha mehktay rhna

Poet:
Nasr SJ
22/01/2014.

Naksh Chorh Jaein Gy.....

Safi Aslam k Naam:


Jahan sy guzrein gy, naksh chor jaein gy
Jan dy k dil ly jaein gy

Yeh daulat, yeh shohrat, yeh rang, yeh saaz
sub bay maeini ho jaein gy, wo bol, Bol jaein gy

Naiki badi, kamyabi nakami, haar jeet, jannat jahanum
baazi aisi khel jaein gy k sub waar jaein gy

Aag, pani, mitti, hawa yeh sub anasir
Bey zarar ho jaein gy, wo libaas orh jaein gy

naa Nasr ho ga , naa tum raho gy
wo ishq karein gy k khud ko bhool jaein gy

Poet:
Nasr SJ
17/01/2014